/

Skilmalar vefverslunnar

Skilmálar Train Station

 

Vinsamlegast kynntu þér eftirfarandi viðskiptaskilmála, það fyrirbyggir misskilning og stuðlar að góðum samskiptum í framtíðinni.

Samningar milli Train Station, Bætingar ehf og meðlima veita meðlimum aðgang að öllum opnum tímum Train Station sem í boði eru gegn gjaldi.

Heilsa

Með samþykki á skilmálum þessum fullyrðir þú, samkvæmt bestu vitund, að þér sé óhætt að stunda líkamsrækt og að þér sé engin sérstök hætta búin af því heilsufarslega. Þú æfir á eigin ábyrgð.

Farsímanotkun er ekki æskileg meðan á æfingu stendur og stranglega bönnuð í búningsherbergjum. Myndataka af öðrum án leyfis er litin alvarlegum augum og getur varðað brottrekstur úr Train Station.


Greiðslur

Allir samningar, hvort sem eru tímabundnir eða ótímabundnir, eru fyrirfram greiddir.

Samningar fara fram í  gegnum áskriftarleiðir  á vefsíðu Train Station eða hjá starfsmanni í afgreiðslu.

Tímabundin kort gilda frá dagsetningu áskriftar og renna út að því loknu á sama degi og upphafsdagur samnings. Tímabundnum áskriftum er ekki er hægt að segja upp meðan á tímabili stendur.

Ótímabundinni áskrift skal segja upp með tveggja mánaða fyrirvara, fyrir 20. hvers mánaðar og rennur hún þá út tveimur mánuðum síðar eða á þeim degi sem skrifað hafði verið undir samninginn .

Dæmi: Þann 20. mars 2019  segir þú upp ótímabundinni áskrift sem þú keyptir þann 17. janúar 2018.Þá væri síðasti greiðsludagur áskriftar þann 1. maí en þú hefðir aðgang að Train Station til 17. júní.

Ótímabundinni áskrift þarf alltaf að segja upp

3 mánaða korti er ekki hægt að segja upp meðan á gildistíma stendur.

6 mánaða korti er ekki hægt að segja upp meðan á gildistíma stendur.
12 mánaða korti er ekki hægt að segja upp meðan á gildistíma stendur.

Þjálfunargjöld eru óafturkræf óháð mætingu.

Ath. Ef einhverjar óviðráðlegar aðstæður koma upp á meðan gildistími áskrifta er í gangi er hægt að senda póst á trainstation@trainstation.is

Beiðni um frystingu korts berist skrifleg í gegnum trainstation@trainstation.is.
Hægt er að frysta kort sem eru í ótímabundinni áskrift og 12 mánaða kort í allt að tvo mánuði, einungis er hægt að frysta kort einu sinni á áskriftartímabili.

Ef korti er sagt er á meðan það er í frystingu þá tekur við 2 mánaða uppsagnarfrestur.

Meðlimir geta valið um þrjár greiðsluleiðir, greitt á staðnum, beingreiðslur þar sem skuldfært er sjálfkrafa af debetkorti eða boðgreiðslur þar sem skuldfært er sjálfkrafa af kreditkorti. Skuldfært er mánaðarlega af greiðslukortum þar til áskriftinni er sagt upp. Athugið að ekki er hægt að nota fyrirframgreidd kreditkort.

Takist ekki að skuldfærsla mánaðargjaldið um mánaðamót lokast aðgangurinn að stöðinni.
Áskriftin er engu að síður virk þar til henni er sagt upp, skuldfærsla fyrir fullu mánaðargjaldi er reynd aftur reglulega en ekki er opnað á aðgang aftur fyrr en skuldfærsla fyrir fullu mánaðargjaldi tekst.

Train Station áskilur sér rétt til verðbreytinga. Allar breytingar á verðskrá sem fela í sér umtalsverðar hækkanir umfram verðlagsþróun mun Train Station tilkynna virkum meðlimum með minnst eins mánaðar fyrirvara, það er á ábyrgð meðlima að fylgjast með tilkynningum.

Frí pufuvika er í boði fyrir þá sem eru að koma í fyrsta skipti og stendur þeim til boða að prófa frítt í viku frá þeirri dagsetningu sem þeir mæta og er þetta án skuldbindingar.

Einungis er hægt að nota fría prufuviku einu sinni og aðeins einu sinni á sömu kennitölu.

 

Skyldur Train Station

Train Station  skuldbindur sig til að standa við þann opnunartíma og þá þjónustu sem auglýst er á hverjum tíma og veita meðlimum aðgang að þeirri þjálfun sem Train Station býður uppá, svo lengi sem pláss leyfir.

Kortið veitir aðgang að þeim tímum sem eru á opnunartíma Train Station.

Train Station skuldbindur sig til að hafa eingöngu faglærða þjálfara í sal sem hafa lokið einka- og styrktarþjálfaraprófi sem og einnig hafa uppfyllt og lokið þjálfaraprófi Train Station.

Starfsmönnum Train Station ber skylda til að halda stöðinni snyrtilegri og hreinni fyrir meðlimi.

Þegar tímar eru í gangi er alltaf þjálfari inn í sal sem fylgir meðlimum eftir í æfingum og lagar hreyfingar hjá viðkomandi.

 

Skyldur meðlima Train Station

Meðlimir Train Station sækja heilsurækt á eigin ábyrgð. Train Station ber enga ábyrgð á líkamstjóni meðlima nema það verði sannarlega rakið til stórfellds gáleysis stöðvarinnar eða starfsmanna hennar.
Train Station ber enga ábyrgð á fjármunum meðlima, læstir skápar eru í búningsherbergjum.

Fjöldatakmörk eru í hvern tíma og er mikilvægt er að bóka sig í tíma áður en mætt er. Bókun fer fram í gegnum bókunarkerfi Train Station.

Ekki er hægt að bóka sig inn í tíma 20 mínutum áður en tíminn byrjar, ekki er hægt að byrja æfinguna nema þú hafir skráð þig í tíma þar sem hámarksfjöldi er í þeim tímum sem í boði eru hverju sinni, aðeins er hægt að bóka sig í einn tíma á sólarhring en þó er hægt að bóka sig tvær vikur fram í tímann.

Meðlimir skuldbinda sig til að fylgja umgengisreglum Train Station, ganga snyrtilega um og ganga vel um búnað húsnæðisins.

Mikilvægt er að tæma skápa sem og skilja lykla eftir í þeim að æfingu lokinni.

Mikilvægt er að vera í hreinum íþróttafötum og hreinum skóm þegar þú ert á æfingu hjá Train Station, ekki er æskilegt að æfa berfætt(ur).

Meðlimum ber að ganga frá lóðum, stöngum og öðrum búnaði eftir notkun

Train Station býður ekki upp á barnapössun en foreldrum er leyfilegt að koma með börn með sér á æfingu. Börnin eru alfarið á ábyrgð foreldra sinna. Börn mega ekki hlaupa um salinn eða leika sér í lóðum og öðrum búnaði meðan á æfingu stendur.

Train Station býður upp á dótakassa, púða og annan varning sem börn geta notað meðan æfing stendur yfir hjá foreldrum.

 

Stórfellt eða ítrekað brot á skilmálum heimilar brottvísun úr húsnæði Train Station auk þess sem Train Station getur rift samningi við viðkomandi.

 

Uppsagnir skulu berast skriflega á netfangið trainstation@trainstation.is

 

Trúnaður skal ríkja á milli starfsmanna Train Station og meðlima og munu starfsmenn ekki ræða málefni viðskiptavina utan vinnustöðvar né utan þess málefna sem varða stöðina beint eða óbeint (skil ekki alveg þetta síðasta).

 

 

Heimilisfang og varnarþing Train Station

Dugguvogur 4, 101 Reyjavík, Sími 519 – 5155

trainstation@trainstation.is

Train Station áskilur sér rétt til að breyta reglum og skilmálum án fyrirvara.